Zünftige 2003

 

    

 

DIE ZÜNFTIGE RYNACH FASNACHT 2003   Aktivs Gwärb Im Rääge   Wott dy Gwärb nümm rächt rentiere gosch im Herbscht go reAGIeRe Mach’sch e Stand uf, zeig’sch e Hit und gisch e chlyyses G’schänggli mit     Alli Glaube Ihrer Rüetschi   D‘Eröffnig isch für d‘Prominänz chönnt’sch meine, s’gieng um d‘Existänz D’Preesi schwaflet schöni Wort vo Moral und Ethik, glaubsch kei Wort     Antiks G’fährt In Rynach   Rünnt e Leitig, hesch kei Pfuus rief’sch ein vom Handwärgg in dy Huus Ä paar Dääg muesch denn scho warte bis d‘Gotthardposcht wieder emool duet starte     Alts Gebäck Isch Ranzig   Dr Grälle Beck im Fiechte uss git Brötli, Gipfeli, au mit Nuss Die sin schön und au no gross im Laade denn isch’s d’Hälfti bloss     Achtung, G’salze Isch denn d‘Rächnig   D’Wenger Holzwürm sin presänt mit spassige G’schänggli, sehr dezänt Statt chaufe duesch dött besser lease zahle chasch se nit, die Pryyse     A-Poscht Goht nit  Immer Rasch   Die gääli Kutsche g’seht me gärn si chunnt us Zyte, wo sehr färn Bekannt isch nur, bi eus, bygoscht d’PTT als Schnäggeposcht     Alles G’heisch In Rinderdarm   Dr Jenzer zeigt em Konsumänt wie d’Würschtli machsch, potz Sakermänt, Nur s’schönschte Fleisch sy gheie dryy undrem Joor wird’s andersch syy     Alles Gumpt In Rynach-Süd   Ä Zone für Sport söll’s gäh, im Fiechte, me wött, dass si ändlig vorwärts miechte, S‘olympisch Zältdorf würd scho stoh, wenn’s d’AGIR nit für sich hätt gnoh   Aktion Gege Integrale Rächtsstaat   An dr AGIR isch au d’Bauverwaltig gsehsch Plänli und Projekt, gewaltig, Doch mit KMU het das nüt z’tue, wenn Stroosse ufmachsch und wieder zue     Alli Gänn Iiri Rubel   D’KMU mien Stüüre zahle, dass d’Gmeind denn mit me Bau cha prahle Doch transparänt isch nur dr Bau was dinn so goht weiss nur ei Frau     Alles Glas In Rynach   Jetz hämmer euse Glaspalascht grosskotzt und durchsichtig fascht G’sehsch s’ganz Joor yyne und au uuse und öb sie käffele oder pfuuse     Dr Drugg isch vom Etter, Rynach